حكتلهم ايها ع بلاطة من الاخر قبعت بطلت تفرق ، الخ من المصطلحات الجميلة ، شو قلتلهم ؟ بطلت تنفع معكم مسكناتنا ، بطلت تنفع معكم الادوية و الميه و الببسي و المناسف و المصافحة و البوس ع الراس ، و القصص الطرمة ، طيب بلاش يا شباب خدوا هاي بلطجية ، ما نفع معكم ، بلاش ......
و الله لنحبسكم و ندعس ع روس الي خلفوكم ، معكم اربع خيارات : 1- تروح تنصرفوا تخدموا بالجيش 2- تأجلوا و طبعا تنصرفوا ع شغلكم ولا جامعاتكم 3- تشردوا بره البلد و ما ترجعوا غير بعد العفو و بتكون هديت الاوضاع 4- تتحبسوا بالسجون العسكرية و يلتعن سنسفيل الي جابكم .
يعني باختصار كل واحد ع شغله او بيجي عنا نربي و نعلموا الادب ، ناهيك انه الي رح يروح يأجل رح يحولوه ع ام الاسود وبعدين يعطوه موعد مع المخابرات عشان شاركلو باعتصام ما، و وقتها الجن الازرق ما بدرى عنك خبر اذا كنت مشاركلك باعتصام وعامل مشاكل .
يعني يا عزيزي المواطن كن مدركا بأنه شو ما لفيت و درت رح يلقطوك ، و اذا ما بزبط معك الجيش رح يلاقولك حل لا يعرفه الا هم و الله ........ فمن الاخر لا تلعب بذنبك ....... حكومتنا رشيدة !!!!
